Breaking News : Baha Oromiyaa Aanaa Mayyuu Muluqqee Araddaa Mojoo keeysatti Lola cimaa waraana Liyuu Polisiin

Breaking News : Baha Oromiyaa Aanaa Mayyuu Muluqqee Araddaa Mojoo keeysatti Lola cimaa waraana Liyuu Polisiin

Baha Oromiyaa Aanaa Mayyuu Muluqqee Araddaa Mojoo keeysatti Lola cimaa waraana Liyuu Polisiin Ummata keenya irratti yeroo ammaan tanaa gaggeeyfamaa jiruun lubbuun nama 32 dabartee jirti.
=======================
Lola Cimaa waraanni Liyuu Polisii hagayya 12/2018 ganama barii sa’aa 6 irraa egaluudhaan Aannaa Mayyuu Muluqqee keeysatti Ummata hidhannoo tokkollee if harka hin qabne irratti meeshaa waraanaa ulfaataan haleellaa gaggeeysaa jiraniin haga ammaatti ummata keenya irraa namni 32 kan du’anii jiran tahuun baramee jira.

Hagayya 7/2018 irraa egalee waraanni Liyuu Polisii magaalootaa fi Aanaalee baha Oromiyaa garagaraa keeysattuu Magaalaa Jijjigaa , Aanaa Cinaakssan , Aanaa Baabilee , Magaalaa Dirree Dhawaa fi Aanaa Mayyuu Muluqqee keeysatti walii galatti nama 92 kan ajjeesanii jiran tahuun isaanii ni hubatama.

Gara qabeenyaatiin Magaalaa Jijjigaa duwwaa keeysatti qabeenya Oromoo, Amaaraa, Guraagee dabalatee Baankiin Hujii Gamtaa Oromiyaa gutuumaan gututti kan saamamte turte hoggaa taatu manneen amantaa kiristaanaa 7 kan gubatanii kan turan tahuu isaanii gabaasuun keenya ni yaadatama.

Bifuma kanaan walfakkaatuun magaalaa Dirree Dhawaa keeysatti manneen jireenya ilmaan Oromoo 11 ol kan gubanii jiran hoggaa tahuu Baaburri Dirree Dhawaa irraa gara magaalaa Finfinnee deemaa turees magaalaa Erer Gootaa fi Magaalaa Shinnillee jiddutti Hagayya 8/2018 waraana Liyuu Polisiin guutumsan gutuutti kan saamamee ture tahuu isaa gabaasuun keenya ni hubatama.

Akkuma yaadatamuu Mummeen Ministeera Ethiopia Dr Abiy Ahmed hagayya 11/2018 ibsa Gaazexeeysitotaaf kennaanii daangaa Oromiyaa fi daangaa naannoo Somaalee Ethiopia irratti walwaraansa deemaa jiru dhaabuuf humna raayyaa ittisa biyyaa kan ajajee jiru ahuu ibsuun isaa ni yaadatama.

Gara biraatiin Addi Bilsa Baasaa Biyyooleeysa Ogaadee (ONLF) ibsa hagayya 12/2018 baasaniin lola motummaa Ethiopia waliin ofaa turan kan dhaabanii jiranila ONLF bakka bu’uudhaan motummaa Ethiopia waliin marii gaggeeysu gara magaalaa Finfinbeetti kan erganii jiran tahuu isaanii ibsa baasan kana keeysatti addeeysanii jiran.

Gara kaaniin Obbo Ahmed Shideen dura taa’aa dhaabbata dimukraatawaa Ummata Somaalee naanno Ethiopia tahuun kan filamee jiru tahuu isaa burqaan Oduu Ethiopia EBCn gabaasee jira.

(A/Suutee)

Oromia News Network – ONN

Godina Harargee Bahaa Aanaa Mayyuu Mulluqqee Araddaa Roggeetti,Loltoonni Humna Addaa Soomaalee lola tasaa bananiin Jiraattoota irraa namoonni 19 wayita wareegaman Polisoota Oromiyaa irraa 13 wareegamaniiru jedhan.
Waliigalatti lubbuun namoota keenya 32 darbuu isaa jiraattoonni kan dubbatan!!