FNN Host Cybele and Dr Trevor Trueman on the OLA and the future of Ethiopia

FNN Host Cybele and Dr Trevor Trueman on the OLA and the future of Ethiopia


ከሰሜንና ደቡብ ወሎ ዞኖችና ከሌሎችም አካባቢዎች ተፈናቅለው በደብረ ብርሃን በ12 መጠለያ ጣቢያዎችና ከዘመድ ጋር የነበሩ ተፈናቃዮች አብዛኛዎቹ ወደ የቀያቸው መመለሳቸውን ሰሜን ሸዋ ዞን አደጋ መከላከልና ምግብ ዋስትና ጽሕፈት ቤት አስታወቀ። የሰሜን ሸዋ ዞን አደጋ መከላከልና ምግብ ዋስትና የቅድመ ማስጠንቀቂያና ፈጣን ምላሽ ቡድን መሪ አቶ ደረጀ ይንገሱ ለዶይቼ ቬለ በስልክ እንደገለፁት በጦርነቱ ውስጥ ከነበሩ 441,650 ተፈናቃዮች መካከል አብዛኛዎቹ ወደ አካባቢያቸው ተመልሰዋል። አሁን ከ50ሺህ የማይበልጡ ተፈናቃዮች ብቻ ደብረ ብርሃን ውስጥ እንደሚገኙ እና አስፈላጊው እገዛ እተደረገላቸው ነውም ብለዋል። በጦርነቱ ምክንያት ደብረ ብርሃን ከተማ ቆይተው ወደ ደሴ የተመለሱ አንድ የደሴ ከተማ ነዋሪ ከቤት ንብረታቸው ተፈናቅለው የነበሩ እና ሌሎች በችግር ላይ የሚገኙ ነዋሪዎች ምዝገባ ተካሂዶ፤ መረዳት ያለበት ተለይቶ ከተለያዩ ተቋማት የተለገሰ ርዳታ እየተከፋፈለ መሆኑን ለባሕር ዳር ዘጋቢያችን ዓለምነው መኮንን ገልጸዋል። በጦርነቱ ምክንያት በአማራ ክልል ከአንድ ሚሊዮን በላይ ነዋሪዎች ከቀያቸው ተፈናቅለው ነበር።

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.