Ethiopia:ሕግና ሰላም ማክበር አለመቻል ምርጫ አሁኑኑ እንዲደረግ ያስገድዳል እንጂ ያለ ምርጫ መቀጠልን አይፈቅድም!!!!

Ethiopia: ሕግና ሰላም ማክበር አለመቻል ምርጫ አሁኑኑ እንዲደረግ ያስገድዳል እንጂ ያለ ምርጫ መቀጠልን አይፈቅድም!!!!

መንግሥት፣ ሰላም ማስከበር ስላልቻለ (በዚህም ምክንያት መረጋጋት ስለሌለ) ምርጫ ማካሄድ የለበትም የሚል ክርክር አስቂኝ (ridiculous)፣ ግን አሻጥረኛ፣ የሌቦች ተጠየቅ ነው።

1. መንግሥት፣ ሕግ የማስከበር፣ ሰላምን የማስጠበቅ፣ ኃላፊነት አለበት። ይህ የመንግሥትና የመንግሥት ብቻ የሆነ ኃላፊነት ነው። ምክንያቱም ሕጋዊ ኃይልን የመጠቀም ብቸኛ ሥልጣን (monopoly over the use of force)፣ የመንግሥት ነውና።

2. መንግሥት፣ ሕግ ማስከበር እና ሰላም መፍጠር ካልቻለ፣ “አልቻልኩም” ብሎ ፓርላማውን በማፍረስ ወደ አስቸኳይ ምርጫ (snap election) መሄድ ግድ ይለዋል።

3. ትክክለኛው ፖለቲካ፣ ትክክለኛው ሕጋዊ አካሄድ፣ ትክክለኛው ሕገ-መንግሥታዊ ተጠየቅ፦

መንግሥት ሕግ አስከብሮ ሕዝብን ማስተዳደር ካልቻለ፣ ለውጡን መምራት ካልቻለ፣ ግጭቶችን መፍታት ካልቻለ (ይልቁንም ግጭቶችን እየፈበረከ የፖለቲካ ችግር የሚፈጥር ከሆነ)–ደግሞም በተጨባጭ አልቻለም–ምርጫ እንዳይካሄድ በማድረግ የሥልጣን ክፍተት መፍጠር (ወይም ያለ ሕግ መሠረት መግዛት፣ ወይም ምርጫ ለማካሄድ በሕገ-መንግሥት የተቀመጠውን ጊዜ ትቶ የምርጫ ፕሮግራሙን ወደ ኋላ መግፋት) አለበት የሚለው ሳይሆን፣

… በአስቸኳይ ፓርላማውን አፍርሶ ወደ ምርጫ እናካሂድ የሚለው ነው።

ይሄን ትተህ፣ ከመንግሥት አወቃቀር ውጪ (ለዚያውም ከምርጫ በኋላ፣ ከዴሞክራሲያዊ ሽግግር በኋላ) መሆን ያለበትን የአንድ ፓርቲ መመስረት፣ ማፍረስ፣ ወይም መዋሃድ ጉዳይ አገራዊ አጀንዳ አድርህ አገርን ማተራመስ ትውልድና ታሪክ ይቅር የማይለው ጥፋት ነው።

#Change_is_mismanaged#Revolution_is_hijacked.
#ABIY_MUST_GO!

Tsegaye Ararssa