Site icon Kichuu

Look At ! My Beautiful Oromia under lazy, Boring and Empty OPDO!!


Ethiopia : ዘርፈን በልተን አሽሽተን እንሙት ጠያቂ እንዳይመጣ እሳት ላይ ጥደናቸው እንጥፋ የሚለው የወያኔ እቅድ በተግባር እየተጣደፈ ነው። ላንጨርሰው አንጀምረው ። ከጀመርነው እንጨርሰው። ወያኔ እንኳን ዘረፋውን እንደጀመርን እንጨርሰዋለን ብሎ ዘርፎ ዘርፎ በማስተር ፕላን ቢ መሰረት የሃያላን አገራት ለመቶ አመት የያዙትን መሬት ለመውሰድ ተዘጋጅቷል። መውሰዱ ባልከፋ ኤምባሲዎቹም ለመቶ አመታት ያህል ይህን መሬት ይዘው ምንም አልፈየዱበትም ።ትኩረቱ ዘረፋው አዲስ አበባ ላይ ብቻ ነው ። ሆኖም ወያኔ የሚሰራው ለሰፊው ሕዝብ ጥቅም ሳይሆን ለዘራፊዎች የጋራ ጥቅም በመሆኑ አዲስ አበባ ገና አልተነካችም ድንግል ነች እያለ ምራቁን ይውጣል፤ ለዚህም ምስክሮቹ የሚንቀዠቀዡት ካድሬዎች የሚያሽከረክራቸው አሽከሮቹ ናቸው።

በነገራችን ላይ ማስተር ፕላን ቢ በወያኔ ጥይት ያለቁትን የኦሮሞ ወጣቶች ደም አባዝቶ ደመ ከልብ ያደረገ ስውር ደባ የሴራ አዋጅ ነው። አባይ ጸሃዬ ሊበላ እጁን እየሳለ እያፏጨ ነው። ሌላው ደሞ ነጋዴው ነው የኣዲስ ደርቢ ተጫዋች። ነጋዴው ሳያዋጣው ይህን ያህል ጊዜ ሲነግድ አልኖረም ሁለት በዝባኞች ሲዘርፉ አባረው ሲካፈሉ እንደሚፋጁት የወያኔና የነጋዴውን ደርቢ አካፍለኝ አላካፍልህም አይነት ነው። ሸማቾን ኪሱን እጥብ አድርገውት ያላደገበትን የዱቤ ኑሮ እየኖረ ድንገት ወያኔ ነጋዴው ላይ ሲነሳ ሸማቹ ለማስተዛዘን አልደፈረም ወያኔ ታዲያ ነጋዴውን ከጨዋታ ውጪ ለማድረግ እንደጀመረች ልትጨርሰው እያሟሟቀች ነው።

ሌላው የባለስልጣኖች መድከምና በሃይል ሰጪ መድሃኒት መኖር መጀመር እንዲሁም እየገደሉ የሰውነት እቃዎችን ማስቀየር ነው። ካሰር የተባለ ደዌ ይዟቸው ሕክምና ሔደው ሴት ሲያሽኮረምሙ በሚስቶቻቸው የተያዙ የሃይል ሰጪ ባለስልጣናት ሕይወት የት ድረስ እንደሚጓዝ ባናውቅም ሌቦቹ የሕወሓት ባለስልጣናት የሃገራችንን ፖለቲካና ኢኮንኖሚ በማደፍረስ ከፍተኛ ብጥብጥ ለማስጀመር እየጣሩ ሲሆን ከብጥብጡ ጀርባ ተጠቃሚ ለመሆን እና መቀመጫቸውን አሳምረዋል። ይህ አገዛዝ ወዴት እያመራ ነው? እናስ ወዴት እያመራን ነው ? ደጋግመን ልናስብበት ይገባል ። #MinilikSalsawi

Exit mobile version