በአዲስ አበባ የኦሮምያ ልዩ ጥቅሞችን የተመለከተ ረቂቅ አዋጅ

በአዲስ አበባ የኦሮምያ ልዩ ጥቅሞችን የተመለከተ ረቂቅ አዋጅ

የኦሮሚያ ክልል በአዲስ አበባ ከተማ ላይ ያለውን ህገ-መንግሥታዊ ልዩ ጥቅም አስመልክቶ የተዘጋጀው ረቂቅ አዋጅ ዝርዝር ይዘት ይፋ ሆነ። የኦሮሚያ ክልል ልዩ ጥቅምን ለማስጠበቅ የወጣውን ረቂቅ አዋጅ በማጸደቅ ሂደት ላይ በርካታ የኅብረተሰብ ክፍሎች ይሳተፉበታል ተብሎ እንደሚጠበቅ ተዘግቦአል።

የኢትዮጵያ የሚኒስትሮች ምክር ቤት የኦሮምያ ክልል በአዲስ አበባ ከተማ የሚኖረውን ልዩ ጥቅምን በተመለከተ የተሰናዳውን ረቂቅ አዋጅ ዛሬ ለኢትዮጵያ የህዝብ ተወካዮች ምክር ቤት አስተላለፈ። የሀገር ውስጥ መገናኛ ብዙሀን እንደዘገቡት የሚኒስትሮች ምክር ቤት ረቂቅ አዋጁ በኢትዮጵያ ህገ መንግሥት አንቀፅ 49 ንኡስ አንቀጽ 5 የተቀመጡትን ከአገልግሎት አቅርቦት ከተፈጥሮ ሀብት አጠቃቀም እና ከአካባቢ ጥበቃ ጋር የተያያዙ ልዩ ጥቅሞች ያላቸውን ማካተቱን አስታውቋል። በረቂቅ ህጉ አዲስ አበባ እና ኦሮምያን ያስተሳስራሉ አስተዳደራዊ ጉዳዮችን ማዕከል በማድረግ የኦሮምያ ክልልን ልዩ ጥቅም ለማስጠበቅ ያስችላሉ የተባሉ አንቀጾች መካተታቸውም ተዘግቧል። የአዲስ አበባው ዘጋቢያችን ዮሐንስ ገብረ እግዚአብሔር ስለ ረቂቅ አዋጁ ምንነት ባጭሩ ገልጿል።