የዜግነት ፖለቲካ የሚያራምዱ አገር አቀፍ ተፎካካሪ የፖለቲካ ፓርቲዎች ጥምረት ሊፈጥሩ ነው፡፡

Above Single Post

የዜግነት ፖለቲካ የሚያራምዱ አገር አቀፍ ተፎካካሪ የፖለቲካ ፓርቲዎች ጥምረት ሊፈጥሩ ነው፡፡

“የዜግነት ፖለቲካ” የምትል ቃል ነች አሁን ደግሞ አ ዲሷ ነጠላ ዜማ—

“የዜግነት ፖለቲካ” የሚባል በፖለቲካው ዓለም በግልጽ የሚታወቅ ጽንሰ ሃሳብ አለ ወይስ ልክ እንደወያኔው አቢዮታዊ ደሞክራሲ የማደናገሪያ ጃርገን ነች? አንድ ሃገር ውስጥ የዜጋ/የዜግነት ያልሆነ ፖለቲካስ ሊኖር ይችላል? እስካሁን ኢትዮጵያ ውስጥ ሲደረግ የኖረው “የባርነት ፖለቲካ” ነበር እንዴ??

Girma Gutema 

Amhara Mass Media Agency

የዜግነት ፖለቲካ የሚያራምዱ አገር አቀፍ ተፎካካሪ የፖለቲካ ፓርቲዎች ጥምረት ሊፈጥሩ ነው፡፡

ባሕር ዳር፡ህዳር 02/2011 ዓ.ም (አብመድ) በኢትዮጵያ በዜግነት ላይ የተመሠረተ ፖለቲካ የሚያራምዱ ፓርቲዎች ጥምረት ሊመሠርቱ መሆኑን አገር አቀፍ ተፎካካሪ የፖለቲካ ፓርቲዎች ገለጹ።

በኢትዮጵያ በዜጎች መካከል ያለውን አንድነት ለማጎልበት በዜግነት ላይ የተመሠረተ ፖለቲካ የተሻለ አማራጭ መሆኑንም ፓርቲዎቹ ጠቁመዋል።
አገር አቀፍ ተፎካካሪ የፖለቲካ ፓርቲዎቹ ካሁን በፊት እንደነበረው ውህደት ከፈጠሩ በኋላ መልሰው የሚበታተኑበት አጋጣሚ እንዳይከሰትም በርዕዮተ ዓለምና በአስተሳሰብ ተመሳሳይ ከሆኑ ፓርቲዎች፣ ተቋማትና ግለሰቦች ጋር ቅድመ ውይይት እያደረጉ መሆኑንም አስታውቀዋል።

የመላው ኢትዮጵያ አንድነት ድርጅት (መኢአድ) እና የሰማያዊ ፓርቲ አመራሮች እንደተናገሩት የዜግነት ፖለቲካ ከሚያራምዱ አካላት ጋር ጥምረት ለመፍጠር እንቅስቃሴ ጀምረዋል።

የመላው ኢትዮጵያ አንድነት ድርጅት (መኢአድ) ፕሬዘዳንት ዶክተር በዛብህ ደምሴ እንዳሉት ድርጅታቸው ለኢትዮጵያ አንድነት፣ ሰላምና ዕድገት የሚበጃት የዜግነት ፖለቲካ መሆኑን በመገንዘብ ከ26 ዓመታት በላይ ሲታገል ቆይቷል።
በቀጣይም በኢትዮጵያ የወጣቶች ዕኩል ተጠቃሚነት እንዲረጋገጥ፣ ሰላም እንዲሰፍን፣ አንድነት እንዲጎለብትና ጠንካራና ተወዳዳሪ ለመሆን ተመሳሳይ አስተሳሰብ ካላቸው ፓርቲዎች ጋር አብሮ ለመሥራት ፓርቲያቸው እየተወያየ መሆኑን ፕሬዝዳንቱ ገልጸዋል።

ኢትዮጵያ “የዜግነት እንጂ የብሔር ፖለቲካ እንደማያዋጣት ዓይተናል” ያሉት ዶክተር በዛብህ በጥምረቱ ከውጭ ሲታገሉ የነበሩ የዜግነት ፖለቲካ የሚያራምዱ ድርጅቶችም እንደተካተቱ ፍንጭ ሰጥተዋል።

በቀጣይ ‹‹ምርጫው ዲሞክራሲያዊ አካሄድ ከተከተለ በምርጫ 1997 ዓ. ም መኢአድ፣ ኢዴፓ፣ ቀስተ ደመና እና አንድነት ለፍትህና ለዲሞክራሲን በማዋሃድ ቅንጅት ለአንድነትና ለዴሞክራሲን በመፍጠር አዲስ አበባ ከነበሯት 138 መቀመጫዎች 137ቱን ያሸነፍንበትን ድል ወደፊትም በጥምረት እንደግመዋለን›› ብለዋል ዶ.ር በዛብህ።

የሰማያዊ ፓርቲ ሊቀ መንበር አቶ የሽዋስ አሰፋ በበኩላቸው ፓርቲያቸው ጠንካራና ተወዳዳሪ ለመሆን በፖለቲካ አስተሳሰባቸው ተቀራራቢ ከሆኑ ፓርቲዎች፣ ድርጅቶች፣ ተቋማትና ግለሰቦች ጋር ውህደት ለመፍጠር እንቅስቃሴ መጀመሩን ገልጸዋል።

ጠቅላይ ሚኒስትር ዶክተር አብይ “ዴሞክራሲን ለማጎልበት ተፎካካሪ የፖለቲካ ፓርቲዎች ቁጥራቸውን ከማብዛት ተቀናጅተው ጠንካራና ተወዳዳሪ መሆን አለባቸው” ያሉትን ከቃል ባለፈ በተግባር ማሳየት ይኖርባቸዋልም ብለዋል።

ባለፉት ዓመታት የኢትዮጵያ ፖለቲካ ታሪክ ፓርቲዎች ጥምረት በፈጠሩ በማግስቱ እንዲለያዩ የሚያደርጋቸው የመንግሥት ጣልቃ ገብነትና ከውስጥ ደግሞ የፓርቲ አመራሮች ድክመት እንደነበርም አቶ የሺዋስ ገልጸዋል።

‹‹ከዚህ በፊት በውጫዊ ተፅዕኖ ምክንያት ይደርስ የነበረው የመበተን አደጋ ወደፊት እንደማይከሰት ተስፋ አድርጋለሁ›› ያሉት አቶ የሽዋስ “ውስጣዊ ችግሮቻችንንም በሰከነ መንፈስ ተወያይተን እናስወግዳቸዋለን” ብለዋል።

“የአንድነትና መኢአድን ውህደት ያፈረሱት ‘ደህንነት ነን’ የሚሉ አካላት” እንደሆኑም ገልጸው፤ ከዚህ በኋላ ግን ውጫዊ ተፅዕኖ ሊኖር እንደማይችል በመንግሥት ላይ እምነት መጣላቸውንም ገልጸዋል።

ምንጭ፡- ኢዜአ

Below Single Post