የአማራ ክልል ልዩ ኃይል አዛዥ ብርጋዴር ጄኔራል ተፈራ ማሞን ጨምሮ አራት አመራሮች

የአማራ ክልል ልዩ ኃይል አዛዥ ብርጋዴር ጄኔራል ተፈራ ማሞን ጨምሮ አራት አመራሮች ታሰሩ

ዮሐንስ አንበርብር

የአማራ ክልል ልዩ የፖሊስ ኃይል ዋና አዛዥ ብርጋዴር ጄኔራል ተፈራ ማሞን ጨምሮ፣ አራት የክልሉ አመራሮች መታሰራቸውን የክልሉ ፖሊስ ኮሚሽን አስታወቀ፡፡

(ethiopianreporte)–የክልሉ ፖሊስ ኮሚሽነር አቶ አበረ አዳሙ ለአማራ ክልል መገናኛ ብዙኃን ድርጅት እንደገለጹት፣ የልዩ ኃይሉ ዋና አዛዥ ጨምሮ ሌሎች በስም ያልተገለጹ ከፍተኛ የክልሉ አመራሮች ታስረው በክልሉ ፖሊስ ኮሚሽን ምርመራ እየተደረገባቸው ነው፡፡

አመራሮቹ በክልሉ ፕሬዚዳንት አምባቸው መኮንን (ዶ/ር) እና በሕዝብ አደረጃጀት አማካሪያቸው እዘዝ ዋሴ፣ እንዲሁም በክልሉ ዋና ዓቃቤ ሕግ አቶ ምግባሩ ከበደ ላይ ከተፈጸመው ግድያ ጋር ግንኙነት ይኑራቸው ወይም አይኑራቸው የሚለውን ለማጣራት መታሰራቸውን ኮሚሽነር አበረ አስታውቀዋል፡፡

ኮሚሽነሩ እንዳሉት በግድያና በተቀነባበረው ሴራ በመሳተፍ ከተጠረጠሩ 190 የልዩ ኃይል ፖሊስ አባላት መካከል፣ ከ170 በላይ የሚሆኑት በፈቃደኝነት እጃቸውን ሰጥተዋል፡፡

ኮሚሽነሩ በሰጡት ማሳሰቢያ በቅርቡ የተመለመሉ የክልሉ ልዩ ኃይል አባላትም ሆኑ ነባሮቹ፣ ዋና ኃላፊነታቸው የክልሉን ሰላምና ደኅንነት ማስጠበቅ እንደሆነና ከግለሰቦች አምላኪነት መውጣት አለባቸው ብለዋል፡፡

የአማራ ክልል ሕዝብም የልዩ ኃይሉ የፖሊስ አባላትን በእኩል ዓይን እንዲመለከት አሳስበዋል፡፡

ቅዳሜ ሰኔ 15 ቀን 2011 ዓ.ም. አመሻሽ ላይ በባህር ዳር ከተማ በርዕሰ መስተዳድሩ ቢሮ ላይ በተሰነዘረ ጥቃት አምባቸው መኮንን (ዶ/ር) እና የአደረጃጀት አማካሪያቸው አቶ እዘዝ ዋሴ ሲገደሉ፣ የክልሉ ዓቃቤ ሕግ አቶ ምግባሩ ከበደ በደረሰባቸው ከፍተኛ ጉዳት ሕክምና ሲከታተሉ ቆይተው ሕይወታቸው ማለፉ ይታወሳል፡፡

የሦስቱም የክልሉ ከፍተኛ የመንግሥት ባለሥልጣናት ሥርዓተ ቀብር በባህር ዳር ከተማ ዓባይ ማዶ ቅዱስ ገብርኤል ቤተ ክርስቲያን ረቡዕ ሰኔ 19 ቀን 2011 ዓ.ም. እንደሚፈጸም፣ የክልሉ መንግሥት አስታውቋል፡፡

#ለመረጃ: ፖሊስ ከመፈንቅለ መንግስቱ ጋር በተያያዘ የብዙ ተጠረጣሪ ሰዎችን ቤት የፍተሻ ፈቃድ አዉጥቶ እየፈተሸ ሲሆን ዛሬ በጋዜጠኛ እስክንድር መጋ ቤት ላይ በተደረገው ድንገተኛ ፍተሻ ክላሽን ጨምሮ የተለያዩ የእጅ ቦንቦች እንዲሁም መሰል የጦር መሳሪያ በህገወጥ መንገድ ቤቱ ተከማችቶ ማግኘቱን ገልፆል።

በተያያዘ ዜና ትላንት የተያዙትን የባለአደራዉ ምክርቤት አባላቶችን ጨምሮ የአብን ፓርቲ ሀላፊዎች በመፈንቅለ መንግስቱ እጃቸዉ አለበት ያለዉን መንግስት ከመላው ሀገሪቱ አካባቢዎች ሰብስቦ እያሰረ መሆኑን ለማጣራት ችለናል።

እስክንድር ትናንት የፌደራል ፖሊስ ቤቱ ኤደው ሊያገኙት ቢሞክሩም በጓሮ በር ወቶ አጥር ዘሎ መጥፋቱን ገልፀን ነበር። ይሄው ዛሬ አሜሪካ መግባቱን ለጓደኞቹ በላከው ፎቶ ለማወቅ ችለናል።


ግልጽ ደብዳቤ ለጠቅላይ ሚኒስትር አቢይ አህመድ || Open Letter to Prime Minister Abiy || ከዲያስፖራ ሙህራን እና ከዶክተር ዳኛቸው ተሾ