Ethiopia: ወያኔ ኢሕአዴግ ሆይ የራስህ የፖሊሲ ውጤት ይዞህ ይጠፋል።

Ethiopia : ሁሉም ሊውጠው የሚገባ እውነታው ይህ ነው ፤ ወያኔ ኢሕአዴግ ሆይ የራስህ የፖሊሲ ውጤት ይዞህ ይጠፋል። አማራ ቢፈናቀል ቢገደል ትግሬ ቢፈናቀል ቢገደል ማንም ላይ ጣታችንን መጠቆም የለብንም ፤ ይህ ሁሉ የወያኔ ጁንታ አገዛዝ ውጤት ነው ። ራሱ ወያኔ ለሽብር ያሰማራቸውን ካድሬዎቹን ሕገወጥ የጦር መሳሪያ አዘዋዋሪ አድርጎ በሚዲያው ያስተዋውቅልናል። ይህ ለሚፈፅመው መንግስታዊ ሽብር ሽፋን ነው። በኢትዮጵያ ውስጥ የተከሰተው የሕዝብ ንቅናቄ የወያኔ ኢሕአዴግ የፖሊሲ ውጤት መሆኑን ለመናገር ማስረጃ አያስፈልግም። ወያኔ ኢሕአዴግ ማስተዳደር አልቻለም፣ ወያኔ ኢሕአዴግ ሕዝብን መምራት አልቻለም።

በተለይ በኦሮሚያ ክልል የተነሳው ሕዝባዊ አመፅ ወያኔ ሕዝብን መምራት ያለመቻሉ ውጤት ነው። ይህንንም በደንብ ያውቃል። መፍትሔው ጠፍቶት ሳይሆን ለዘረፋና ለውድመት እንዲያመቸው የሕዝብን ጥያቄ መመለስ አልፈለገም። በስርዓቱ የሚለቀቁ ዘገባዎች መቶ በመቶ ከሃሰት የራቁ ናቸው።ራሱ ወያኔ ለሽብር ያሰማራቸውን ካድሬዎቹን ሕገወጥ የጦር መሳሪያ አዘዋዋሪ አድርጎ በሚዲያው ያስተዋውቅልናል። ይህ ለሚፈፅመው መንግስታዊ ሽብር ሽፋን ነው።

ከየክልሉ ዜጎች ቢፈናቀሉ ከየክልሉ ዜጎች ቢገደሉ ቢታሰሩ ይህን ሁሉ የወለደው የወያኔ በቋንቋ ላይ የተመሰረተ የፖለቲካ ጎሳዊ ፖሊሲና በዘረፋ ላይ የተመሰረተው የተጭበረበረ ይሪኮኖሚ ፖሊሲ ነው። ዛሬ ላይ ሆነን አማራ ቢፈናቀል ቢገደል ትግሬ ቢፈናቀል ቢገደል ማንም ላይ ጣታችንን መጠቆም የለብንም ፤ ይህ ሁሉ የወያኔ ጁንታ አገዛዝ ውጤት ሲሆን ደደብ ባለስልጣናትን በማፍራት የሕዝብ ጠላት የሆኑ ትናንሽ ገዳይና ሌባ መንግስታት እንዲፈጠሩ አድርጓል።በዛሬው እለት የወጣው የወያኔ መግለጫ በራሱ የሚያመለክተው ወያኔ ኢሕአዴግ መዳከሙን ነው። ይህ ምንም አያከራክርም ።

በተለያዩ ቦታዎች ቦምቦች ቢፈነዱ ፣ ንብረቶች ቢወድሙ ሰዎች ቢገደሉ ወዘተ በርካታ ወንጀሎች ቢፈጸሙ ተጠያቂው በመንግስታዊ ሽብር ላይ የተሰማራው ወንጀለኛው ቡድን ወያኔና ወያኔ ብቻ ነው። ሺህ ጊዜ ስብሰባ ተቀምጦ መግለጫ ቢወጣ ከክህደትና ከማጭበርበር የዘለለ ፋይዳ የለውም። ሕዝቡ ነቅቷል ጠላቱ ወያኔ እንደሆነ አውቋል። ረዥም ማብራት አሊያም መጓዝ አይጠይቅም።

የትግራይ ሕዝብ ታፍኖ አሳሩን ሲያይ ጥቂት የሕወሓት ሰዎችና አጫፋሪዎቻቸው ሕዝብን በማሸበር ተግባር ላይ ተሰማርተው ተጋልጠዋል። በሕወሓት ደህንነቶችና ካድሬዎች ላይ የሚወሰደው እርምጃ የትግራይ ሕዝብን አይወክልም። ወንጀለኛ ሆኖ እስከተገኘ ድረስ እርምጃ ሊወሰድበት ይገባል፤ ንጹሃን የትግራይ ተወላጆች ሲነኩ ግን ኢትዮጵያ እንደተነካች ሁሉም ሊረዳ ይገባል። አማራውም ላይ እንዲሁ። ኦሮሞውን ላይ እንዲሁ። ሕዝብ ወንጀለኛ አይደለም ፤ ሕዝብ ሁሌም ትክክል ነው። ሕዝብ ጥያቄው መብትና ነጻነት ነው። የወያኔ ካድሬዎች በደም እየተጨማለቁ ነው፤ ውደድም ጥላም ህዝብ ይፋቀራል፤ መሬት ላይ ያለው እውነት ነው። ይህ አገዛዝ እስካልተወገደ ድረስ ሃገርና ህዝብ ለከፍተኛ አደጋ ይዳረጋሉ። የሁላችንንም ርብርቦሽ የሚጠይቅ ሓላፊነት ላይ ቆመናል።

MinilikSalsawi