Site icon Kichuu

በሸካ ጥብቅ ደን ላይ ባሳለፍነው አርብ የተቀሰቀሰው ሰደድ እሳት እስካሁን አልቆመም

በሸካ ጥብቅ ደን ላይ ባሳለፍነው አርብ የተቀሰቀሰው ሰደድ እሳት እስካሁን አልቆመም

(fanabc)—አዲስ አበባ፣ መጋቢት 12፣ 2010 (ኤፍ.ቢ.ሲ) በተባበሩት መንግስታት የትምህርት ሣይንስና ባህል ድርጅት (ዩኔስኮ) የተመዘገበው የሸካ ጥብቅ ደን ላይ ባለፈው ዓርብ የተከሰተው የእሳት ቃጠሎ እስካሁን በቁጥጥር ስር አልዋለም።

የአካባቢው ህብረተሰብ እሳቱን ለማጥፋት ከፍተኛ ጥረት በማድረግ ላይ ቢሆንም መቆጣጠር እንዳልተቻለ ተገልጿል።

የሸካ ዞን ዋና አስተዳዳሪ አቶ አብይ አንደሞ እንንደገለፁት፥ ካለፈው አርብ ጀምሮ በፓርኩ ላይ የተከሰተው የእሳት ቃጠሎ እስካሁን እንደቀጠለ ነው።

“የአደጋው ምክንያት አልታወቀም” ያሉት አስተዳዳሪው፥ ህብረተሰብ እሳቱን ለማጥፋት ከፍተኛ ርብርብ እያደረገ መሆኑን ተናግረዋል ።

የአደጋውን ሁኔታ የክልልና የፌደራል አካላት እንዲያውቁት ተደርጎ ቃጠሎውን ለማስቆም ተጨማሪ ኃይል እየተጠበቀ መሆኑን ተናግረዋል፡፡

አስተዳዳሪው እንዳሉት በሸካ ዞን ማሻ ወረዳ በሁለት ቀበሌዎች የተከሰተው ይኸው ቃጠሎ እስካሁን ከ200 ሄክታር በላይ ጥብቅ ደን ላይ ጉዳት አድርሷል።

የአካባቢው ህብረተሰብ በደኑ ውስጥ ንብ በማነብ፣ ቅመማ ቅመምና ቡና ከማምረት ጀምሮ ዘርፈ ብዙ ጥቆሞችን ያገኙበት እንደነበር አስተዳዳሪው አስታውሰዋል ።

በቃጠሎው እስካሁን በሰው ላይ የደረሰ ጉዳት አለመኖሩን አስታውቀዋል

ቃጠሎው የደረሰበት ቦታ ከዞኑ ዋና ከተማ ቴፒ 90 ኪሜ ርቀት ላይ እንደሚገኝ ታውቋል፡፡

ምንጭ፦ ኢዜአ

Exit mobile version