Ethiopia: በኤምባሲዎችና በማረሚያ ቤቶች ስር ነቀል የመዋቅር ለውጥ ሊደረግ መሆኑ ታውቋል።

Ethiopia: በኤምባሲዎችና በማረሚያ ቤቶች ስር ነቀል የመዋቅር ለውጥ ሊደረግ መሆኑ ታውቋል።

* በኤምባሲዎችና በማረሚያ ቤቶች ስር ነቀል የመዋቅር ለውጥ ሊደረግ መሆኑ ታውቋል።
* ጠቅላይ ሚኒስትሩን ከዳላሱ ፌስትቫል ከክብር እንግድነት ያገደው * የኢትዮጵያ ስፖርት ፌዴሬሽን በሰሜን አሜሪካ ተደመረ ።
* አሶሳ ሕዝቡ ለጭፍጨፋ የወጡትን ለመከላከል በጋራ ቆሟል።
* የወያኔ ባለስልጣናት መቅበዝበዝ አነጋጋሪ ሆኗል።
* የአሜሪካ መንግስት የኢትዮጵያን መንግስት ለማረጋጋት እየሰራሁ ነው ማለቱ በሕወሓት አባላት ዘንድ ስጋትን ፈጥሯል።
* በኢትዮጵያ ሶማሌ ክልል ድፍድፍ ነዳጅ የማምረት ሙከራ ነገ እንደሚጀመር ጠቅላይ ሚንስትር ዶክተር አብይ አህመድ አስታወቁ።

(ምንሊክ ሳልሳዊ)
የኢትዮጵያ ስፖርት ፌዴሬሽን በሰሜን አሜሪካ አሁን በአገራችን በኢትዮጵያ እየተካሄደ ያለውን የፖለቲካዊ ለውጥ ይደግፋል። በተጨማሪም ድጋፋቸውን የወደፊት ብሩህ ተስፋቸውንና ምኞታቸውን ለጠቅላይ ምኒስትር ዶክተር አብይ አህመድ በነፃነት ለመግለጽ በወጡት ኢትዮጵያውያን ወገኖቻችን ላይ በደረሰው ከፍተኛ አደጋ በጣም አዝነናል። ይህን በመልካም የተጀመረውን የሠላም የአንድነትና የፍቅር ጉዞ ለማደፍረስ ታስቦ የተደረገውን አፀያፊ ተግባር አጥብቀን የምናወግዘው መሆናችንን እንገልፃለን። ፈጣሪ ለወዳጅ ዘመዶቻቸው መጽናናቱን እንዲሰጣቸው እንለምናለን። ዶክተር አብይ አሕመድ የብዙ አመታት የፍትሕ እና የዴሞክራሲ መስዋትነት ለወቅቱ የላካቸው የለውጥ አቀንቃኝና የኢትዮጵያውያን መቃተት መልስ ናቸው ብሎ ተረድቶታል፥፥ ከ፵ ዓመታት በላይ የኢትዮጵያ ህዝብ ሲናፍቀው የኖርነውን ኢትዮጵያዊነት አምባገነኖች ሊቀብሩት ከከተቱት ጉድጓድ አውጥተው ስላጎናጸፉን ከልብ የመነጨ ምስጋና እናቀርባለን። የጀመሩትንም የለውጥ ሂደት በእውነተኛ መሰረት ላይ ለመትከል እንዲቻል እኛም ያላሰለሰ ድጋፍ ለመስጠት በምንችለው ለመርዳት ዝግጁ መሆናችንን በዚህ አጋጣሚ መግለጽ እንወዳለን ሲል መግለጫ አውጥቷል።

በአሶሳ በተከሰተው የበርታ ብሔሮች ወረራ ያልተደናገጡ ወጣቶች ተሰባስበው ራሳቸውን በመከላከል በርካ ጉዳት ሊደርስ ከነበረው ግጭት የዳኑ ሲሆን መከላከያ ሰራዊቱም ደርሶ ከበርታዎች ጋር በመታኮስ ከፍተኛ ከሆነ እልቂት ሕዝብ መዳኑን መረጃዎች ተቁመዋል። በሚሊዮን ብሮች ድጋፍ የተቀሰቀሰው ችግር በተደራጁ ራሳቸውን በሚከላከሉ ሀበስሃ ተብለው በሚተሩ ሕዝቡን በቁጥጥር ስር የዋለ ሲሆን እንዳያገረሽ ሕዝቡ መዘናጋት የለበትም ተብሏል።

ካለምንም ምክንያት የወያኔ ባለስልጣናትና ካድሬዎቻቸው መቅበዝበዝ አነጋጋሪ ሆኗል። ስልጣናችንን ተነጥቀናል ያሉና ለሃያ ሰባት አመት ሕዝብንና ሃገርን ሲዘርፉና ሲገሉ የኖሩ ባለስልጣናት በዚህ መቀተል እንደማይችሉ ሕዝብ አስረግጦ ከነገራቸው በኋላ በየክልሉ በመዞር ያላቸውን ኔትወርክ ተጠቅመው ከፍተኛ አደጋ በመፍጠር ስራ መጠመዳቸው ታውቋል። ከዚሁ ጋር በተያያዘ የአሜሪካ መንግስት የኢትዮጵያን መንግስት ለማረጋጋት እየሰራሁ ነው ማለቱ በሕወሓት አባላት ዘንድ ስጋትን ፈጥሯል። የዘረፍነውንም በሰላም እንዳንበላ ምእራባውያን ከበውናል በማለት የተለያየ ሰበብ በመፍጠር አሜሪካኖችን እየወነጀሉ ይገኛሉ። አሜሪካኖች የገቡበት ሁሉ ሰላም የለም በማለት እየከሰሱ ነው።

በኢትዮጵያ ሶማሌ ክልል ድፍድፍ ነዳጅ የማምረት ሙከራ ነገ እንደሚጀመር ጠቅላይ ሚንስትር ዶክተር አብይ አህመድ አስታወቁ። የሚለው አስደሳች ዜና በተሰማ ሰዓታት ውስጥ ሕወሃት በኤምባሲዎችና በማረሚያ ቤቶች የዘረጋው ኔትወርክ ላይ ስር ነቀል የመዋቅር ለውጥ ሊካሔድ መሆኑ ታውቋል። ዝርዝሩ ለጊዜው ቢያዝም በዚህ ጉዳይ ላይ ከፍተኛ የአሜሪካና የጀርመን አማካሪዎች እየሰሩት መሆኑ ተሰምቷል።

(ምንሊክ ሳልሳዊ) #MinilikSalsawi


ኢትዮጵያ ከነገ ጀምሮ የድፍድፍ ነዳጅ የሙከራ ምርት ትጀምራለች – ጠ/ሚ ዶክተር አብይ አህመድ

አዲስ አበባ ፣ ሰኔ 20 ፣ 2010 (ኤፍ ቢ ሲ) ኢትዮጵያ ከነገ ጀምሮ የድፍድፍ ነዳጅ የሙከራ ምርት እንደምትጀምር ጠቅላይ ሚኒስትር ዶክተር አብይ አህመድ ገለጹ።

ጠቅላይ ሚኒስትሩ ዛሬ በሰጡት መግለጫ የቻይናው ፖሊ ሲ ጂ ኤል ኩባንያ በምስራቅ ኢትዮጵያ ሶማሌ ክልል ሲያደርግ የቆየው የድፍድፍ ነዳጅና የተፈጥሮ ጋዝ ፍለጋ ውጤት ማስገኘቱን ተናግረዋል።

ከነገ ሰኔ 21 ቀን ጀምሮም በሙከራ ደረጃ በቀን 450 በርሜል ድፍድፍ ነዳጅ የማውጣቱ ስራ ይጀመራል ብለዋል።

አሁን የማውጣቱ ስራ ሃገሪቱ ያላትን አቅም ማወቅን ታሳቢ ያደረገ መሆኑ የተገለጸ ሲሆን፥ አጠቃላይ አቅም ታውቆ በቀጣይ በሙሉ አቅም ድፍድፍ ነዳጁን የማውጣት ስራ እንደሚሰራም አስታውቀዋል።

ይህ መሆኑም ስራ አጥነትንና የውጭ ምንዛሪ እጥረትን ለመቅረፍና ዘላቂ እድገትን ለማምጣት ይረዳልም ነው ያሉት ጠቅላይ ሚኒስትሩ።

ጠቅላይ ሚኒስትሩ በመግለጫቸው ባለፈው በኢትዮጵያ ሶማሌ ባደረጉት ጉብኝት የተፈጥሮ ሃብትን በሰላማዊ መንገድ መጠቀም እንዲቻል መግባባት ላይ መደረሱን አስታውሰዋል።

የተፈጥሮ ጋዝን በተመለከተም በሚቀጥለው መስከረም ወር ወደ ጅቡቲ መላክ የሚያስችል የጋዝ ማስተላለፊያ መስመር ዝርጋታ ይጀመራል ብለዋል።

የማስተላለፊያ መስመሩ ዝርጋታ በሁለት አመት ውስጥ የሚጠናቀቅ ሲሆን፥ በሙከራ ደረጃ ጋዝ ማስተላለፍ ሲጀምር በአመት 1 ቢሊየን ዶላር እንደሚያስገኝ ጠቅሰዋል።

በቀጣይ በሙሉ አቅም ጋዝ ማስተላለፍ ሲጀምርም በአመት 8 ቢሊየን ዶላር እንደሚያስገኝ ነው የተናገሩት።

ኢትዮጵያ በርካታ ሰው ሰራሽና የተፈጥሮ ሃብት አላት ያሉት ጠቅላይ ሚኒስትሩ፥ የነበረው ልዩነት ይህን ሃብት በአግባቡ እንዳንጠቀም አድርጎን መቆየቱን አውስተዋል።

ከዚህ አንጻርም የተገኘውን የተፈጥሮ ሃብት በእኩልነትና ፍትሃዊ በሆነ መንገድ በጋራ መጠቀም እንደሚገባም አሳስበዋል።

የተፈጥሮ ሃብትን መቀራመት ትልቁ የአፍሪካውያን ችግር መሆኑን ያነሱት ጠቅላይ ሚኒስትሩ፥ አሁን የተገኘውን ሃብት በሰላማዊ መንገድ በአግባቡ መጠቀም እንደሚገባም አጽንኦት ሰጥተዋል።

አሁን የተገኘው ድፍድፍ ነዳጅም አዳዲስ ሃብቶችን ለማምጣት እንደሚያግዝ ጠቅሰው፥ በቀጣይም የህዝቡን ተጠቃሚነት የሚያረጋግጡ ሃብቶች ኢትዮጵያ ውስጥ እንደሚገኙ እምነቴ ነው ብለዋል።

ኩባንያው ለሰራው ስራ ምስጋናቸውን አቅርበው በቀጣይም በማውጣት ሂደቱ ውስጥ መንግስት አስፈላጊውን ድጋፍ እንደሚያደርግ አረጋግጠዋል።

ህብረተሰቡም ከሃብቱ ተጠቃሚ ይሆን ዘንድ አስፈላጊውን ትብብር እንዲያደርግ ጠይቀዋል።

ለመላው ኢትዮጵያውያም የእንኳን ደስ አላችሁ መልዕክታቸውን አስተላልፈው፥ የተገኘው ሃብት ለብጥብጥ ሳይሆን ለጋራ ተጠቃሚነት እንዲውልም ጥሪያቸውን አቅርበዋል።

FBC (Fana Broadcasting Corporate S.C.)


ኢትዮጵያ ከነገ ጀምሮ የድፍድፍ ነዳጅ የሙከራ ምርት እንደምትጀምር ጠቅላይ ሚኒስትር ዶክተር አብይ አህመድ ገለጹ