ሁለት የኦነግ መካከለኛ አመራሮች በዋስትና ተፈቱ

ሁለት የኦነግ መካከለኛ አመራሮች በዋስትና ተፈቱ
 
ላለፉት አራት ወራት ገደማ በእስር ላይ የቆዩ ሁለት የኦሮሞ ነጻነት ግንባር (አነግ) መካከለኛ አመራሮች እያንዳንዳቸው የ20 ሺህ ብር ዋስትና በማስያዝ ተፈቱ። ዛሬ ከእስር የተፈቱት (በፎቶው ላይ የሚታዩት) የኦነግ የወጣቶች ክንፍ ኃላፊ አቶ ለሚ ቤኛ እና በአዲስ አበባ የኦሮሚያ ልዩ ዞን ድርጅታዊ ጉዳዩች ኃላፊ አቶ ዳዊት አብደታ ናቸው። ከሁለቱ አመራሮች ጋር አብሮ ክስ የቀረበበት አቶ ደምሴ በንቲ የተባለ የኦነግ አባልም እንዲሁ በ10 ሺህ ብር ዋስትና ዛሬ ከእስር መለቀቁን የኦነግ የህዝብ ግንኙነት ኃላፊ አቶ ባቴ ኡርጌሳ ለ“ኢትዮጵያ ኢንሳይደር” ተናግረዋል። ሁለቱ አመራሮች እና የኦነግ አባሉ የተለቀቁት፤ በፍርድ ቤት የተከሰሱበት ሁከት የማነሳሳት ወንጀል “የዋስትና መብት አያስከለክልም” በመባሉ መሆኑን አቶ ባቴ ገልጸዋል።
የሶስቱን ተከሳሾች የዋስትና መብት እንዲጠበቅላቸው በትላንትናው ዕለት ውሳኔ ያስተላለፈው የኦሮሚያ ጠቅላይ ፍርድ ቤት የሰበታ ልዩ ችሎት መሆኑንም አክለዋል። ፍርድ ቤቱ ቀጣይ የክስ ሂደቱን ለመመልከት ለመጪው ህዳር 14፤ 2013 ተለዋጭ ቀጠሮ ሰጥቷል። (ኢትዮጵያ ኢንሳይደር | ፎቶ፦ በባቴ ኡርጌሳ )
Ethiopiainsider.

Be the first to comment

Leave a Reply

Your email address will not be published.


*


This site uses Akismet to reduce spam. Learn how your comment data is processed.